ငါတို့ ဆုံတွေ့စဉ်ကာလ
ဖြူစင်စွာ ချစ်ခဲ့ကြတယ်..........။
မှောင်မိုက်နေတဲ့ ငါ့ဘဝကို
နင့်ရဲ့အလင်း တစ်စက်နဲ့
ငါ့မျှော်လင့်ချက်တွေ အသက်ဆက်စေခဲ့တာ...........။
ရေမြေတွေ ခြားနားတဲ့
နင်နဲ့ ငါ့ကြားမှာ
ဝေးကွာခြင်းတွေကတော့ ရှိနေဦးမှာပါ..............။
အလွမ်းဆိုတာ ဖော်ဆောင်ဖို့
ပြရုပ် မရှိတဲ့ အချိန်တွေပါဟာ
ကားတွေ ဆိုင်ကယ်တွေ တဝီဝီကြား
ဖိနပ်တွေပါးအောင် ငါတို့ လမ်းလျှောက်ရင်း
လူသားအချင်းချင်း
ဂုတ်သွေးစုပ် အမြတ်ထုတ်ချင်းတွေနဲ့
ပြောင်းပြန်သွား လမ်းမကြီးတွေကလည်း
ငါတို့ကို လှောင်ကြတယ်လေ.............။
သတိရတိုင်း ကြည့်ခဲ့တဲ့ ဓါတ်ပုံတွေ
သတိရတိုင်း ရေးခဲ့တဲ့ ကဗျာတွေ
လက်သန်းချင်းချိတ်ရင်း ပေးခဲ့တဲ့ ကတိတွေဟာ
ငါ့ဘဝအတွက်
နင်ပေးခဲ့တဲ့ အမှတ်တရ အလင်းစက်တွေပါ............။
လွမ်းတဲ့စိတ်ကို ကျိတ်မှိတ်
ငါ တစ်ရေး အိပ်လိုက်စဉ် ခဏ
အိပ်မက်ထဲမှာ ဆုံတွေ့ပါရစေ
ကြယ်ကလေးရေ...
ဦးငှက်ကြီး ရေးတဲ့ကဗျာလို
အိပ်မက်သည်သူ
သူသည် အသက်ဖြစ်စေ ပေါ့.............။
ညီညီ(မြန်အောင်)
0 comments:
Post a Comment